Fabrikazio Adimentsuko Espezializazio-Ikastaroa

LANBIDE-ARLOA:

Instalatze eta mantentze lanak.

SARBIDEA EMATEN DUTEN TITULUAK:

Lehentasuna ondorengo Goi Mailako Zikloek izango duten arren, Unibertsitate, lan mundutik edota beste Lanbide Heziketako Ziklo batetik datozenak ere sartu daitezke.

• Automatizazioko eta Robotika Industrialeko Goi-mailako Teknikaria.
• Mekatronika Industrialeko Goi-mailako Teknikaria.
• Fabrikazio Mekanikoko Diseinuko Goi-mailako Teknikaria.
• Fabrikazio Mekanikoko Produkzioa Programatzeko Goi-mailako Teknikaria.
• Sistema Elektrotekniko eta Automatizatuetako Goi-mailako Teknikaria.
• Mantentze-lan Elektronikoetako Goi-mailako Teknikaria.

IKASTAROAREN IRAUPENA ETA HIZKUNTZA:

Hasiera data: 2025 urteko Iraila
900 ordu. Horietatik 330 ordu praktikak enpresan.

ZER IKASI ETA EGINGO DUT?

• Digitalizatu daitezkeen produkzio-prozesuaren etapak identifikatzea, produkzio-helburuei erantzuteko.
• Dauden produkzio-prozesuak ezaugarritzea, errendimenduaren funtsezko adierazle egokiak (KPIak: key performance indicator) definituz eta neurtuz.
• KPIen balioak lortzea, produkzio-prozesua hobetzeko aukerak aztertuz eta teknologia aurreratu egokiak hautatuz.
• Prozesuak eta/edo makinak egokitzea hautatutako teknologia aurreratuak aplikatuz, segurtasun-, efizientzia- eta iraunkortasun-irizpideak kontuan hartuta.
• Errendimenduaren hobekuntza ebaluatzea identifikatutako KPIen bilakaeraren jarraipena eginez.
• Fabrikazio-parametroak berriz programatzea eta/edo doitzea eta/edo sistema ekoizpen-baldintza berrien aurrean berregokitzea, fabrikazio adimendunaren ingurunean.
• Produkzioa kontrolatzeko sistema enpresaren kudeaketa-sistema digitalekin integratzea, fidagarritasun- eta segurtasun-baldintzak betez.
• Gerta daitezkeen desbideratzeei aurre egiteko sistemaren funtzionamendua gainbegiratzea, kausak identifikatuta.
• Dokumentazio teknikoa eta administratiboa lantzea, indarreko legediari eta bezeroen eskakizunei jarraiki.
• Dagokion konpetentziaren esparruan, egoerak, arazoak edo gorabeherak ekimenez eta autonomiaz ebaztea, sormenez, berritasunez, eta norberaren eta gainerako taldekideen lanean hobetzeko espirituaz.
• Norberaren eta lan-taldearen lan-garapenean ingurune seguruak sortzea, laneko eta ingurumeneko arriskuen prebentziorako prozedurak gainbegiratuz eta aplikatuz, betiere enpresaren arautegian eta helburuetan ezarritakoarekin bat etorriz.

IKASKETAK AMAITZEAN, ZER EGIN DEZAKET?

Aditua fabrikazio-sistema adimenduetan.

Zertan lan egin?

Espezializazio-ikastaro hori gainditu izana egiaztatzen duen ziurtagiria lortu duten pertsonek industria-ekoizpenaren sektoreko enpresa publiko eta pribatuetan jardun ahal izango dute, betiere automatizazio-osagai garrantzitsua badute eta euren jarduerek eragiketa- eta kudeaketa-sistema digital guztiak integratzeko joera argia badute.

PRESTAKUNTZA-PLANA:

Espezializazio-ikastaro honetako lanbide-moduluak honako hauek dira:
• Produkzio-prozesu adimendunak. (247 o.)
• Metrologia eta instrumentazio adimenduna. (114 o.)
• Sarera konektatutako inguruneak eta gauzen Internet. (114 o.)
• Makinen birtualizazioa eta produkzio-prozesuak. (95 o.)
• Lantokietako prestakuntza. (330 o.)